Inicio >> Eu AMO as bibliotecas públicas

Galego | Español

Eu AMO as bibliotecas públicas

Campaña Eu AMO as bibliotecas

Eu AMO as bibliotecas públicas

Ver imaxe

Ver imaxe

Ver imaxe

Ver imaxe

Ver imaxe

DÉIXANOS A TÚA CARTA DE AMOR Á BIBLIOTECA

A BIBLIOTECA invita a todos os seus usuarios (adultos, nenos e mozos), dende este mes de marzo e ata o 24 de oubro, Día das Bibliotecas, a escribir unha carta de amor á Biblioteca, que publicaremos na nosa páxina web, no Facebook e, se podemos, en edición impresa a finais de ano. Xa recibimos algunhas.

As cartas poden ser manuscritas ou en formato dixital. Se elixes o primeiro formato, podes coller un folio amarelo na entrada da Biblioteca, na planta baixa. Unha vez escrita, podes depositala no buzón amarelo que atoparás na mesma entrada. Se optas polo segundo formato, podes enviar as túas cartas á seguinte dirección de correo: bppmgonzalezgarces@xunta.es

Con esta actividade a Biblioteca quere sumarse á campaña contra os recortes nas bibliotecas públicas e de apoio aos seus servizos.

As bibliotecas non son un gasto, son un investimento

Baixo o lema Eu amo as bibliotecas públicas, a campaña foi iniciada pola Plataforma contra o préstamo de pago nas bibliotecas, que organizou unha marea amarela coincidindo co día 4 de febreiro, Día das Bibliotecas no Reino Unido, e que este ano foi celebrado con actividades e mobilizacións en defensa das bibliotecas públicas.
A esta campaña sumáronse numerosas organizacións e bibliotecas do estado e da comunidade, entre as que nos incluímos. Podes seguir a campaña dende a páxina
Yo amo las bibliotecas públicas de Facebook e descargar dende alí os materiais asociados á campaña.
As actividades e propostas son numerosas e, entre elas, as cartas de amor escritas polos usuarios das bibliotecas.

Sobre o servizo que prestan as bibliotecas, podes mirar as seguintes ligazóns

Artigo no blog Biblogtecarios: Tanto por tan poco: la biblioteca, un servicio social básico, que inclúe dous magníficos vídeos que ilustran cunha grande sensibilidade os motivos polos que hai que amar os libros e as bibliotecas:

. El viaje de los libros, de Lorenzo Soler, onde se recolle a actividade do servizo de bibliobuses da Deputación de Soria, que perccorren toda a provincia levando os libros e a cultura ata os seus máis apartados recunchos, alí onde a despoboación deixou a súa pegada máis profunda.

. The Fantastic Flying Books of Morris Lessmore, Óscar á mellor curtametraxe de animación 2012, é unha recreación moi poética da influencia da biblioteca na sociedade.

Artigo no Faro de Vigo: Un oasis en la ciudad: la Biblioteca Xosé Neira Vilas. Unha moi boa descrición da profesora Carmen Pérez Pais sobre as boas prácticas dunha biblioteca recentemente creada en Vigo.

Artigo en Babelia: El origen del mundo, de Manuel Rodríguez Rivero, en cuxo epígrafe "Bibliotecas" o autor fai referencia a "... los motivos por los que hay que amar a las bibliotecas públicas..."

Facebook da Biblioteca GarcésTwitterBlog dos Clubs de lecturaBloggit: blog da sala infantil-xuvenilBookcrossingcemit
XUNTA DE GALICIA. Consellería de Cultura e Deporte